Í þessum líflega og skemmtilega fyrirlestri er fjallað um listina að klúðra og hvernig við getum lært að takast á við eigin mistök, stór sem smá, með húmor og sjálfsvinsemd.
Mistök eru óhjákvæmilegur hluti af lífinu og mikilvæg forsenda lærdóms, sköpunar og þroska. Samt eigum við flest til að skammast okkar fyrir þau, reyna að fela þau eða forðast þau eins og heitan eldinn. En hvað ef við myndum líta á mistök sem merki um að við séum að prófa eitthvað nýtt, læra og þroskast?
Í fyrirlestrinum er sjónum beint að því hvernig hægt er að breyta viðhorfi okkar til mistaka og nýta þau sem stökkpall fyrir nýjar hugmyndir, betri vinnubrögð og aukið hugrekki í lífi og starfi. Með blöndu af fræðilegri innsýn, húmor og kunnuglegum dæmum er þátttakendum boðið að sjá klúðrið í nýju ljósi.
Ef þú hefur einhvern tímann...
- farið út að morgni í sitt hvorum skónum,
- sent tölvupóst á alla starfsmenn með viðhengi sem átti alls ekki að fara út, eða
- ruglað saman Zoom og Teams og mætt í vitlaust fundarherbergi, á náttfötunum og með myndavélina á...
...þá er þetta fyrirlesturinn fyrir þig!
Hann hentar líka þeim sem vinna með svona fólki. Það er nefnilega nóg pláss í klúðurklúbbnum og aðildin er alveg ókeypis.
Fyrirlesari: Ingrid Kuhlman, M.A. í hagnýti jákvæðri sálfræði og óformlegt doktorsnám í að gera mistök með stæl.
