Við miðlum þekkingu
Þekkingarmiðlun var stofnuð í byrjun ársins 2002. Við sérhæfum okkur í að miðla þekkingu og efla einstaklinga og vinnustaði með námskeiðum, þjálfun og fyrirlestrum.
Við bjóðum annars vegar upp á námskeið fyrir hópa og vinnustaði þar sem tekið er mið af aðstæðum, þörfum og óskum hvers og eins. Hins vegar bjóðum við upp á opin námskeið sem allir geta skráð sig á.
Á þeim rúmlega tveimur áratugum sem Þekkingarmiðlun hefur starfað höfum við komið að fjölbreyttum verkefnum, stórum sem smáum, á vinnustöðum víðs vegar um landið
Kennsluaðferðir
Námskeið Þekkingarmiðlunar byggja á traustum fræðilegum grunni þar sem áhersla er lögð á að nýta gagnlegar og viðurkenndar kenningar og aðferðir. Kennsluaðferðir eru fjölbreyttar og taka mið af viðfangsefnum og markmiðum hvers námskeiðs. Meðal annars er stuðst við fyrirlestra, spurningalista, einstaklings- og hópverkefni, hlutverkaþjálfun og umræður.
Rík áhersla er lögð á virka þátttöku og hagnýta þjálfun þar sem þátttakendur fá tækifæri til að æfa nýja færni og tileinka sér árangursríkar aðferðir. Jafnframt er lögð áhersla á að tengja námsefnið við eigin reynslu og dagleg störf þátttakenda, þannig að þeir geti nýtt það sem þeir læra í starfi og við raunverulegar aðstæður.
Leiðarljós
- Við leggjum áherslu á að byggja upp traust og góð tengsl við viðskiptavini okkar og komum fram við þá af heiðarleika og virðingu.
- Við leggjum okkur fram um að skilja þarfir og væntingar viðskiptavina okkar og mæta þeim eftir bestu getu.
- Við veitum faglega, skilvirka og áreiðanlega þjónustu þar sem staðið er við gefin loforð og umsamið skipulag og tímasetningar.
- Við svörum fyrirspurnum og beiðnum hratt og vel.
- Við leggjum metnað okkar í persónulega þjónustu og gott samstarf við hvern viðskiptavin.
Fólkið
Eyþór Eðvarðsson og Ingrid Kuhlman hafa yfir 25 ára reynslu af þjálfun og ráðgjöf. Saman búa þau yfir víðtækri þekkingu og reynslu á flestum þeim sviðum sem Þekkingarmiðlun leggur áherslu á.
Verkefni Þekkingarmiðlunar eru fjölbreytt, bæði að umfangi og viðfangsefnum. Við njótum því einnig liðsinnis öflugs hóps hæfra leiðbeinenda og samstarfsaðila sem koma að verkefnum eftir þörfum.
Ingrid átti sæti í verkefnastjórn Hins gullna jafnvægis, samstarfsverkefni Reykjavíkurborgar og Gallup um að samræma betur vinnu og einkalíf frá 2000-2001. Hún sat einnig í verkefnastjórn átaksverkefnisins Konur til forystu um jafnara náms- og starfsval kynjanna og er einn af höfundum bæklingsins Lykillinn að velgengni á vinnumarkaði, sem kom út árið 2001. Ingrid var Affiliate Representative Educator hjá European Management Assistants Europe (EUMA) frá 2004-2013. Hún átti sæti í fræðslunefnd Félags kvenna í atvinnurekstri frá 2005-2007 og var formaður nefndarinnar árið 2006-2007. Hún sat í stjórn Heimilis og skóla landssamtaka foreldra frá 2010-2012 og var varamaður í stjórn Orkuveitu Reykjavíkur frá 2010-2011. Hún átti sæti í stjórn Lífs styrktarfélags frá 2009-2014 og kom aftur inn í stjórn sem formaður 2019 en tilgangur félagsins er að styrkja Kvennadeild Landspítalans, bæta aðbúnað og þjónustu við konur og fjölskyldur þeirra á meðgöngu, í fæðingu og sængurlegu sem og kvenna sem þurfa umönnun vegna kvensjúkdóma. Ingrid er formaður Lífsvirðingar, félags um dánaraðstoð sem stofnað var 2017. Hún er í baráttuhópnum París 1,5 en markmið hans er að tryggja að Ísland geri sitt til að halda hlýnun jarðar innan við 1,5 gráðu. Hún var tengiliður Íslands við ENPP (European Network of Positive Psychology) frá 2018-2022 og sat í stjórn Félags um jákvæða sálfræði frá 2018 til 2022.
Ingrid er ásamt Eyþóri Eðvarðssyni ritstjóri bókarinnar Management van mensen (Stjórnun fólks) sem kom út í Hollandi árið 1998. Árið 2006 kom út bókin hennar Tímastjórnun í starfi og einkalífi. Frá 2005-2015 var hún ritstjóri tímaritsins Impetus sem Félag aðstoðarmanna forstjóra (EUMA – European Management Assistants) á Íslandi gefur út. Hún er einnig meðhöfundur bókarinnar Vellíðan barna: Handbók fyrir foreldra ásamt Unni Örnu Jónsdóttur og Hrafnhildi Sigurðardóttur.
Heyrðu í okkur
Hvernig getum við aðstoðað? Við viljum heyra frá þér.
