Við eigum öll okkar ósýnilegu fötu sem við berum með okkur hvert sem við förum. Í henni geymum við tilfinningar okkar og líðan. Fatan fyllist við jákvæð samskipti, svo sem hlý orð, hvatningu, hrós og viðurkenningu, en tæmist við neikvæð samskipti, eins og nöldur, niðurrif og óuppbyggilega gagnrýni.
Þegar fatan okkar er full finnum við fyrir meiri gleði, orku og vellíðan. Þegar hún tæmist getur það aftur á móti haft neikvæð áhrif á líðan okkar, samskipti og frammistöðu. Og það besta er að þegar við fyllum fötu annarra, fyllum við um leið okkar eigin.
Í þessum líflega og skemmtilega fyrirlestri er fjallað um hvernig við getum með einföldum, daglegum athöfnum fyllt bæði okkar eigin fötu og annarra. Áhersla er lögð á mátt jákvæðra samskipta og hvernig hægt er að efla gleði, starfsanda, samheldni og orku á vinnustað.
Fyrirlesturinn byggir meðal annars á hugmyndafræði bókanna How full is your bucket? og Fish! A Remarkable Way to Boost Morale and Improve Results.
Fyrirlesari: Ingrid Kuhlman, MSc í hagnýtri jákvæðri sálfræði, þjálfari og ráðgjafi hjá Þekkingarmiðlun
