Öll hlæjum við – mismunandi mikið, af ólíkum ástæðum og hvert og eitt er með sinn einstaka hlátur. En hvað liggur raunverulega að baki?
Þarf alltaf eitthvað fyndið til að kalla fram hlátur? Getum við hlegið án ástæðu, og jafnvel haft gagn af því?
Í þessum fyrirlestri er hláturinn skoðaður frá mörgum hliðum: Hvað gerist í líkamanum, huganum og í samskiptum okkar við aðra þegar við hlæjum? Hvaða áhrif hefur góður hlátur á hópavinnu á vinnustað, fjölskyldulíf og daglegt líf, eða þá bara þegar við flissum ein með sjálfum okkur?
Við veltum líka fyrir okkur spurningum eins og: Geta dýr hlegið? Er allur hlátur æskilegur? Af hverju er hlátur svona smitandi? Og síðast en ekki síst, hvaða hláturtegundir eru algengastar og skrítnastar?
Veitt er innsýn í hvernig hlátur getur tengt okkur saman, dregið úr streitu, aukið vellíðan og jafnvel bætt afköst. Einnig verður farið yfir einfaldar og áhrifaríkar leiðir til að hlæja meira í daglegu lífi og kynntar mismunandi (og stundum furðulegar!) tegundir hláturs.
Fyrirlesturinn er í senn fyndinn, fræðandi og innblásandi og hentar öllum hópum.
Fyrirlesari: Finnbogi Þorkell Jónsson er leikari, hláturjógaleiðbeinandi, textasmiður og leiðsögumaður. Hann hefur rekið Gleðismiðjuna síðan 2019 og hefur víðtæka reynslu af því að vinna með hlátur og leikgleði í fjölbreyttu samhengi 😊
