Tíminn er merkilegt fyrirbæri. Við höfum öll jafn marga klukkutíma í sólarhringnum, en samt virðist tíminn sjaldnast duga til að koma öllu í verk. Verkefnin hrannast upp, tölvupóstarnir streyma inn, fundirnir fylla dagatalið og áður en við vitum af er vinnudagurinn liðinn. Samt förum við stundum heim með þá tilfinningu að hafa verið á fullu allan daginn án þess að hafa komið mikilvægustu verkefnunum í verk.
Góð tímastjórnun snýst ekki um að gera meira á skemmri tíma, heldur um að nýta tímann betur og beina athyglinni að því sem raunverulega skiptir máli. Með skýrri forgangsröðun, markvissri skipulagningu og betri stjórn á daglegum truflunum getum við aukið afköst, dregið úr streitu og skapað meira svigrúm fyrir þau verkefni sem mestu máli skipta.
Í þessum hagnýta fyrirlestri er fjallað um áhrifaríkar leiðir til að ná betri stjórn á tímanum og vinnudeginum. Sjónum er meðal annars beint að algengum tímaþjófum, forgangsröðun, skipulagningu og áætlanagerð, truflunum vegna tölvupósta og símtala, árangursríkri fundarstjórn og hvernig draga megi úr óþarfa tímaeyðslu í verkefnum, samskiptum og stjórnun. Þátttakendur fá hagnýt ráð og hugmyndir sem þeir geta nýtt strax til að vinna markvissar, draga úr álagi og skapa meiri tíma fyrir það sem raunverulega skiptir máli.
Fyrirlesari: Ingrid Kuhlman, MSc í hagnýtri jákvæðri sálfræði, þjálfari og ráðgjafi hjá Þekkingarmiðlun
