Ábyrgð í orðum og gerðum


Við berum ábyrgð, sem fyrirtæki, einstaklingar og leiðbeinendahópur, á hegðun okkar, athöfnum, ákvörðunum og afleiðingum þeirra fyrir samfélag umhverfi og náttúru.
  • Þekkingarmiðlun axlar ábyrgð gagnvart viðskiptavinum ef samstarfsaðili á einhvern hátt nær ekki að uppfylla óskir og kröfur sem gerðar eru.
  • Við sýnum ábyrga hegðun og leggjum okkur fram við að vera öðrum fyrirmynd í orðum og gerðum og hvetjum samstarfsaðila og leiðbeinendur til hins sama.
  • Við stöndum við allar fjárhagslegar skuldbindingar Þekkingarmiðlunar.
Við látum okkur varða velferð viðskiptavina og samstarfsaðila Þekkingarmiðlunar.
  • Við hvetjum til heilbrigðra lífshátta og ástundun heilbrigðs lífernis.
  • Við leggjum áherslu á hollar veitingar á námskeiðum okkar.
Við erum ábyrgt fyrirtæki í samfélagi okkar.
  • Við látum hluta af hagnaði fyrirtækisins renna til góðgerðarmála.
  • Við stöndum við bakið á samtökum og félögum sem vinna að góðgerðarmálum, t.d. með því að taka ekki greiðslu fyrir námskeið og/eða fyrirlestra eða stilla verðinu í hóf.
  • Við kaupum ekki né seljum svarta vinnu.
  • Við gerum ekki samninga eða þegjandi samkomulag við samkeppnisaðila, t.d. hvað varðar verð eða aðra skilmála sem Þekkingarmiðlun eða samkeppnisaðilar setja um sölu á þjónustu sinni.
  • Við beitum ekki ósanngjörnum aðferðum til þess að standa betur að vígi en aðrir samkeppnisaðilar.

Við berum ábyrgð og virðingu fyrir umhverfinu og náttúrunni.

  • Við göngum vel um og leggjum okkur fram um að fullnýta og láta endurvinna þær vörur sem við notum. 
  • Við kaupum umhverfisvænar vörur.
  • Við ökum á bílum í okkar starfi sem teljast sparneytnir og högum akstri til að spara.
  • Við leigjum umhverfisvænustu bílana þegar við þurfum að leigja bíla.
  • Við biðjum um upplýsingar um áætlaðan fjölda þátttakenda til að tryggja að við prentum ekki of mikið dreifiefni.
  • Við prentum eða ljósritum báðum megin á blöðin.
  • Við tökum tilbaka allan afgang af námsefni eftir námskeið og notum hann aftur.
  • Við flokkum bylgjupappa, dagblöð, tímarit, plast, umbúðir og skilum á endurvinnslustöð. 
  • Við skilum efnum sem eru skaðleg umhverfinu, eins og t.d. prenthylkjum, rafeindatækjum og rafhlöðum, á viðeigandi staði.
  • Við sýnum samfélagslega ábyrgð og kolefnisjöfnum starfsemina árlega.
Skráning á póstlista  |    |  

thekkingarmidlun@thekkingarmidlun.is  Þekkingarmiðlun sími: 892 1987 / 892 2987 |