Að auka vellíðan í lífi og starfi 30. mars og 4. apríl kl. 9-12

Jákvæð sálfræði er vísindaleg nálgun sem hefur það markmið að efla rannsóknir á jákvæðum þáttum mannlegrar hegðunar eins og styrkleikum, vellíðan, velgengni, þakklæti, seiglu, gildum (dyggðum), von, jákvæðum tilfinningum, tilgangi, bjartsýni og hamingju. Hún veltir fyrir sér hvað einkennir einstaklinga sem ná á farsælan hátt að þroskast og aðlagast ólíkum aðstæðum í lífinu og finnur leiðir til að skapa umhverfi þar sem einstaklingur nær að blómstra og lifa sínu besta lífi.

Á námskeiðinu verður farið í hvað rannsóknir á velferð einstaklinga hafa leitt í ljós og hvernig er hægt að mæla hana. Fjallað verður um hamingjuaukandi leiðir sem eru byggðar á rannsóknum á því hvað eykur vellíðan og hamingju. Farið verður í mikilvægi þess að þekkja og efla styrkleika sína en með því aukum við líkurnar á að við blómstrum og getum lifað okkar besta lífi. Fyrir námskeiðið taka þátttakendur VIA styrkleikaprófið.

• Hvað er jákvæð sálfræði?
• Að þekkja styrkleika sína
• Að mæla hamingju fólks
• Þættir sem hafa áhrif á hamingju okkar
• Núvitund
• Flæði
• Hamingjuaukandi æfingar

• Betri innsýn í eigin styrkleika
• Aukin þekking á hagnýtum leiðum til að auka vellíðan
• Aukið vægi jákvæðra tilfinninga 
• Aukin lífsgæði

• VIA-styrkleikaprófið
• Fyrirlestur
• Umræður
• Verkefni

Leiðbeinandi: Ingrid Kuhlman, þjálfari og ráðgjafi hjá Þekkingarmiðlun ehf.